Sahib Təşkilatlar Birləşmiş Ştatlarda təlim və digər proqram komponentlərinin reallaşdırılmasının təmin olunmasına görə cavabdehdirlər. Buraya yalnız seminar, görməli yerlərə səfər və dəyirmi stol arxasında müzakirələr deyil, həmçinin mədəni ekskursiyalar və proqram iştirakçıları üçün birlikdə qalacaqları ailələr də daxildir.

Sizin sizi qonaq edən ailə ilə eyni dildə danışmamanız demək deyil ki, siz bir-birinizi başa düşməyəcəksiniz! İştirakçının Amerikan ailə ilə yaşamaq imkanı İcma Əlaqələri proqramının ən vacib aspektidir. Amerikalı qonaq edən ailələr öz vaxt və ya cidd-cəhdlərinə görə pul almırlar, onlar bu proqramda tamamilə könüllü surətdə, digər mədəniyyətlər, digər xalqlar haqqında daha çox öyrənmək arzusu ilə və amerikalıları daha yaxından tanımaqda yardım etmək üçün iştirak edirlər; sözün əsl mənasında ictimai diplomatdırlar. Çox vaxt iştirakçılar və ailə uzun müddət bir-birləri ilə yaxın olur, hətta proqram başa çatdıqdan sonra da vaxtaşırı bir-birlərini ziyarət edirlər.